Министр, мұғалім, ақын және экс-прокурор: ОСК «Әділеттің» партиялық тізімін тіркеді
Бүгін, 21 шілде күні Орталық сайлау комиссиясы «Әділет» партиясынан Құрылтай сайлауына қатысатын кандидаттардың партиялық тізімін тіркеді. Партиялық тізімде 186 кандидат бар.
Астана, NEGE. Жалпы, партияның кандидаттар тізімінде 72 әйел және 114 ер адам бар.
Кандидаттардың орташа жасы – 45 жас. Олардың арасында – заңгер, ғалым, кәсіпкер, сондай-ақ білім беру, денсаулық сақтау, цифрландыру, ауыл шаруашылығы, өнеркәсіп, мәдениет пен қоғамдық саланың өкілдері бар.
Айта кетейік, «Әділет» партиясы 2026 жылы 1 маусымда заңнамаға сәйкес ресми тіркеуден өтіп, артынша Құрылтай сайлауына қатысуға дайын екенін мәлімдеді. Ал 10 шілдеде өткен кезектен тыс III съезде партия 186 кандидаттан тұратын партиялық тізімін жариялап, сайлауалды бағдарламасын көпшілікке таныстырды.
Осылайша, «Әділет» партиясы биыл алғаш рет Құрылтай сайлауына қатыспақ. Құрылтай депутаттарының сайлауы 23 тамызда өтеді.