Милад Карими украиналық мамандарға рахмет айтты
Спорттық гимнастикадан Қазақстан командасының үздігі Милад Карими Токио Олимпиадасынан кейінгі жоспарымен бөлісті, деп хабарлайды Olympic.kz.
Алматы, NEGE. «Токио Олимпиадасы екіұдай сезім сыйлады. Ортаға шығып, Олимпиада екенін түсінесің. Ал келесі күні мүлде ештеңе сезбейсің. Жанкүйердің жоқтығы қатты білінді. Олимпиадада адам сенгісіз нәтижелер болады. Сонысымен де бұл ойындар өте қызық.
Олимпиададан кейін демалудамын. Кейін Токиода өтетін әлем біріншілігіне дайындаламын. Украина құрамасымен жаттығамын. Әлем чемпионаты қазанның аяғында өтеді, сондықтан, жаттығу жалғасады.
Қолдау көрсеткен барша жанкүйерге алғыс айтамын. Бапкерлерімен, жеке жаттықтырушым Степан Горбачевқа, сондай-ақ, украиналық мамандарға рахмет», - дейді Милад.
