Мықтылығымды тағы бір мәрте дәлелдегім келеді
Феруза Шарипова ұзақ үзілістен кейін қайта шаршы алаңға шығады, деп хабарлайды «Хабар 24». Келесі кездесу ертең Қазан қаласында өтеді және IBA тұжырымы бойынша чемпиондық белдік сарапқа салынады.
Алматы, NEGE. Бұл жөнінде жекпе-жек кеші алдындағы баспасөз мәслихатында айтылды. Кәсіпқой бокстағы жерлесіміз бір жылдан астам уақыт жұдырықтасқан жоқ. «Бірақ физикалық бабымды жоғалтпай, жаттығу жасап жүрдім», дейді. Қазір ол ресейлік промоутерлік компаниямен келісімге отырған. Құжатқа сәйкес бір жыл ішінде Феруза 4 жекпе-жек өткізеді және осы аралықта абсолютті әлем чемпионы болуды көздейді. Айта кетейік, Феруза Шарипова мен Хеппи Дауди арасындағы кездесуді «Хабар» арнасы тікелей эфирде көрсетеді. Бокс кеші ертең 23:00-де басталады.
Кәсіпқой боксшы Феруза Шарипова: "Кезекті рет мықтылығымды дәлелдегім келеді. Осыған мүмкіндік жасаған ұйымдастырушыларға алғысым шексіз. Кездесуге тас-түйін дайынмын. Жаттығуды пысықтайтын біраз уақыт болды. Ал, негізгі арманым – өз салмағымда абсолют әлем чемпионы атану. Бұл қолымнан келеді" деді.
