Месси мен Роналду бір клубта ойнауы мүмкін
Килиан Мбаппе «ПСЖ» сапынан кетеді дегеннен-ақ, «оның орнына кім келуі мүмкін» деген жорамал көбейді.
Алматы, NEGE. Соңғы кезде Мбаппенің жұлдызы сөніп бара жатқан сыңайлы. Еуропа біріншілігіндегі сәтсіз ойынынан кейін жиі сынға ұшырады. Тіпті, «ПСЖ» онымен келісімшартты ұзартпайды деген әңгімелер шықты.
Клуб президенті Нассер Аль-Хелайфи бұл ақпаратты растады. Тіпті, оның орнына Криштиану Роналду келуі мүмкін екенін жеткізді. Роналдудың Ювентуспен келісімшарты келесі жылы жазда аяқталады. Егер келіссөздер сәтті өтсе осы ғасырдың ең талантты қос аяқдоп шебері бір клубта өнер көрсетуі әбден мүмкін.
