Месси америкалық команданың капитаны болады
Аргентиналық футболшы Лионель Месси жаңадан ауысқан "Интер Майами" командасында капитан болады, деп хабарлады Vesti.kz.
Алматы, NEGE. Күнделікті жаттығудан соң футболшы бұрынғы командаласы Серхио Бускетспен бірге алаңда команда жайын талқылап, жас ойыншылар жайлы кеңескен.
Айта кетейік, футболшы америкалық команда сапына еркін агент ретінде ауысты. Жаңа командада 10-нөмірмен ойнайтын болады.
Команда сапындағы алғашқы ойынын 21 шілде күні Лига кубогы жолындағы жарыстан бастайды. Мексиканың "Крус Асул" командасына қарсы ойнайды.
