Мерген Никита Чирюкин Аргентинада өтіп жатқан Әлем кубогында төртінші орын алды
Қазақстандық Никита Чирюкин Аргентина астанасы Буэнос-Айресте өтіп жатқан Әлем кубогы кезеңінде медальға бір қадам жетпей қалды.
Алматы, NEGE. Ол 25 метрден жылдам атылатын тапаншамен оқ атудан финалға дейін жетті. Шешуші кезеңде Чирюкин төртінші орынмен шектелді.
Ал жарыстың жеңімпазы – үндістандық Виджайвир Сидху болды.
Екінші орынды италиялық Рикардо Мазетти иеленсе, қытайлық Юйхао Ян қола медаль алды.
