Мереке күндеріне арналған ауа райы болжамы жарияланды
Синоптиктер еліміз бойынша 31 желтоқсан мен 2 қаңтар аралығына арналған ауа райы болжамын ұсынды.
Алматы, NEGE. "Қазгидромет" РМК ұсынған мәлімет бойынша, бұл күндері елде қар жауып, бұрқасын болады.
"Еліміздің солтүстік-батысында, солтүстігінде, орталығында және шығысында қар жауады, бұрқасын, екпінді жел соғады, республиканың батысында, оңтүстігінде, оңтүстік-шығысында қар аралас жаңбыр, тұман, көктайғақ болады", - делінген "Қазгидромет" РМК хабарламасында.
1 қаңтарда еліміздің оңтүстік-шығысында қатты жауын-шашын (жаңбыр, қар) жауады.
Ауа температурасы түнде батыста -1...-6°С аяздан -3...+2°С-қа дейін көтеріледі, ҚР солтүстігінде, орталығында, шығысында -5...-20°С аяздан -10...-25° аязға дейін аздап төмендейді, оңтүстікте, оңтүстік-шығыста 0...-10°С аяздан -3...-15°С аязға дейін біртіндеп төмендейді.