Мереке күндері сауда орталықтары жұмыс істей ме?
Мереке күндері елдегі сауда ойын-сауық орталықтары жұмысын тоқтата ма? Бұл сұраққа санитариялық-эпидемиологиялық бақылау комитетінің жұқпалы ауруларды эпидемиологиялық қадағалау басқармасының басшысы Роза Қожапова жауап берді.
Алматы, NEGE. «Елдегі өңірлердің эпидемиологиялық ахуалына байланысты сауда ойын-сауық орталықтары әртүрлі тәртіппен жұмыс жүргізеді. Қазіргі таңда тек Нұр-Сұлтан қаласы ғана «қызыл» аймақта болғандықтан, елордада жексенбі күндері сауда ойын-сауық орталықтары жұмыс істемейді. Қалған күндері 18.00-ге дейін ашық болады», - деді Роза Қожапова Орталық коммуникациялық қызмет алаңында өткен брифингте .