Мердігер бюджеттің 43 млн теңгесін жымқырған
Атырау облысындағы мердігер компаниялардың бірі бюджеттің 43 млн теңгесін жымқырған, деп хабарлайды inbusiness.kz.
Алматы, NEGE. Аққала ауылына су құбырын жүргізбек болған олар қаржыны алып, құжаттарды рәсімдеген соң, жұмысты аяқсыз қалдырған. Яғни белгіленген аумақта жобада көрсетілген бетоннан жасалған аялдамалар, полиэтилен құбырлары мен өзге құрылғылар атымен жоқ болып шықты.
Заң бұзушылықты антикор өкілдері анықтады. Кейін "Байсын-А" серіктестігі құрылысты өз қаржыларына аяқтауға міндеттелген. Аталған компания жауапты бөліммен 1 млрд теңгеге келісімшартқа отырған. Енді міндеттілер жобаны өз уақытында тапсыруы тиіс.