Өз нұсқамды айтуға мүмкіндігім болмады: Бишімбаев сотта кінәсін мойындамады
Бүгін Астананың қылмыстық істер жөніндегі мамандандырылған ауданаралық сотында Қуандық Бишімбаев пен Бақытжан Байжановқа қатысты негізгі сот отырысы өтті.
Алматы, NEGE. Басты сот отырысында прокурорлар Қуандық Бишімбаев пен Бақытжан Байжановқа қатысты айыптау актісін оқыды.
Экс-министр Бишімбаев сот барысында әйелін айуандықпен өлтірді деген айыппен келіспеді. Ол осы уақыт ішінде болған оқиға туралы өз нұсқасын айтуға мүмкіндігі болмағанын алға тартты.
– Айтайын дегенім, менің сотқа дейінгі тергеуде де, еш жерде де өз оқиғамды айтуға мүмкіндігім болған жоқ. Прокурордың жаңа ғана оқып шыққанының бәрі негізінен ешқандай растауы немесе дәлелі жоқ ойдан шығарылған. Мен аса қатыгездікпен қасақана адам өлтірген жоқпын, – деді Бишімбаев сотта.
Судья сотталушыларға бірнеше сұрақ қойды. Бишімбаев судьяға өз кінәсін мойындамайтынын айтса, Байжанов «қылмыс жасағанымды білмедім» деп жауап берді.
Қазір оқып жатыр
Бектенов Конституциялық сот шешімін «инвесторлар үшін игілікті қадам» деп атады
Атыраудағы отбасы қазасы: Ақбаян Мұқанғалиеваға қатысты қылмыстық іс тоқтатылды
«Қордай» бекетінде шетел азаматы 350 мың долларды заңсыз өткізбек болған
Астана полициясы «боксшы Данияр Елеусінов ұсталды» деген ақпаратқа түсініктеме берді
