Мемлекеттік рәміздері күні Алматыда қандай іс-шаралар өтеді?
Алматыда түрлі іс-шаралар, соның ішінде туды салтанатты түрде көтеру және әнұранды орындау, автошеру, көрмелер мен концерттер жоспарланған.
Алматы, NEGE. 11:00 — «Медеу» спорт кешенінің жанындағы алаң: қала басшылығының, мәдениет және спорт қайраткерлерінің, қоғам өкілдерінің, жастардың қатысуымен ту көтеру және әнұран орындау салтанатты рәсімі.
15:00 — Әлеуметтік қызметтер үйі: қоғам қайраткерлерінің, тарихшылардың, сарапшылардың, ҮЕҰ өкілдері мен жастардың қатысуымен «Көк тудың желбірегені» тақырыбындағы конференция.
16:00 — «Алатау» дәстүрлі өнер театры: ҚР Мемлекеттік рәміздер күніне арналған концерт.
19:00 — Жамбыл атындағы Қазақ мемлекеттік филармониясы: Н. Тілендиев атындағы «Отырар сазы» академиялық фольклорлық-этнографиялық оркестрінің «Менің елім» патриоттық концерті.
Қала аудандарында да мерекелік іс-шаралар жоспарланған.