Мемлекеттік кірістер комитеті ел тұрғындарына ескерту жасады
ҚР Қаржы министрлігі Мемлекеттік кірістер комитеті 2025 жылғы 28 шілде сағат 02:00 бастап 07:00-ға дейін "Орталықтандырылған сәйкестендірілген дербес шоттар" ақпараттық жүйесінде (ОСДШ АЖ) техникалық жұмыстар жүргізілетінін ескертті.
Алматы, NEGE. Осыған байланысты, жоғарыда көрсетілген кезеңде ОСДШ АЖ ақпараттық жүйесінің сервистері жұмыс істемейді.
«Жоғарыда айтылғандардың негізінде сыртқы экономикалық қызметке қатысушылардан дербес шотта оң сальдо қалыптастыру мақсатында КТжС төлеуді алдын ала жүргізуді сұраймыз. Туындаған қолайсыздықтар үшін кешірім сұраймыз», – делінген ведомство хабарламасында.