Мемлекеттік кеңесші Ерлан Қарин: Ұлттық құрылтайдың бастамасымен 9 заң қабылданды
Бүгін Астанада Ұлттық құрылтай кеңесі өтіп жатыр.
Алматы, NEGE. Жиында сөз сөйлеген Мемлекеттік кеңесші Ерлан Қарин былтыр қабылданған заңдарға тоқталып өтті.
«Толықтай сеніммен бүгін сіздерге айта аламын – біз жоспарлаған 9 заң қабылданды. 10-заң қазір Парламентке келіп түсті. Бұл – археология туралы заң. Аталған заң да белгілі бір талқылауды талап етеді. Бірақ депутаттар тарапынан қолдау табады деген сенімдемін», - деді Ерлан Қарин.
Сондай-ақ, Мемлекеттік кеңесші Ерлан Қарин Ұлттық құрылтай кеңесінде реформалар ел болашағы үшін қабылданып жатқан шешімдер екенін атап өтті.
«Елдегі заңдардың қабылдануы – ең алдымен мемлекет пен қоғам арасындағы диалогтың қалыптасқанын көрсетеді. Сіздер айтып жатқан ой-пікірлер Мемлекет басшысының тарапынан пысықталып, жан-жақты қаралып, тиісті шешімдер қабылданып жатыр. Яғни біздің елде мемлекет пен қоғам арасында сындарлы, мазмұнды диалог орнағанының арқасында жүзеге асып жатыр», - деді ол осы мәселеге қатысты.
