Мемлекеттік бюджеттің кірісі 17,3 трлн теңге болды – Қаржы министрлігі
2025 жылдың 9 айының қорытындысы бойынша мемлекеттік бюджеттің кірісі 17,3 трлн теңгені немесе жоспарға сәйкес 102%-ды құрады. Бұл туралы Үкімет отырысында ҚР қаржы министрі Мәди Такиев мәлімдеді.
Алматы, NEGE. Ол өткен жылға қарай өсу қарқыны 116%-ға немесе 2,4 трлн теңге болғанын атап өтті. Республикалық бюджетке 10,5 трлн теңге түсті. Жоспар 97,3%-ға орындалды. Бұл өткен жылмен салыстырғанда 116% немесе 1,4 трлн теңгеге көп.
«Жергілікті бюджеттерге сыртқы факторларға тәуелсіз салықтар түседі, бұл 6,8 трлн теңгені құраған тұрақты өсімді көрсетеді. Жоспар 704,4 млрд теңгеге асыра орындалды»,
— деді Мәди Такиев.