Мемлекеттік бюджет кірістері шамамен 17%-ға өсіп, жоспардан асыра орындалды
Үкіметтің баспасөз қызметінің мәлімдеуінше, жоспарланған 6,2 трлн орнына 6,4 трлн теңге түсіп, жоспар 268,7 млрд теңгеге асыра орындалды. Өткен жылмен салыстырғанда өсім 930,6 млрд теңге (+16,9%) болды.
Астана, NEGE. Республикалық және жергілікті бюджеттер жоспарлы көрсеткіштерді асыра орындаған.
«Өсім Қазақстанның экспорттық тауарлары бағасы, тауарлар мен көрсетілетін қызметтерді өткізу көлемінің артуы, сондай-ақ салықтық және кедендік әкімшілендіру нәтижелері есебінен қамтамасыз етілді», – делінген хабарламада.
Республикалық бюджеттің 98%-ы салық түсімдерінен құралады десек, бюджет кірістері 101,8%-ға орындалған. 4 трлн теңге жоспарланғанымен, шамамен 4,2 трлн теңге түскен.
Үкімет мәліметінше, негізгі өсімге ықпал еткен жағдайлар:
- корпоративтік табыс салығы (КТС) – 16,9%;
- импортқа қосылған құн салығы (ҚҚС) – 24,2%;
- пайдалы қазбаларды өндіруге салынатын салық (ХДПИ) – 35,7%
Жыл басынан бері өзін-өзі жұмыспен қамтығандар үшін арнайы салық режимінде 392 мың жеке тұлға тіркелген. ҚҚС төлеушілер саны 10 мың субъектіге артты.
Ресми мәліметтер бойынша инфляция деңгейі 6 айдан бері төмендеп келеді. Қазіргі уақытта жылдық инфляция 11,0% болды. 2025 жылдың қыркүйегінде 12,9% болып, шарықтау шегіне жеткен еді.
«Бұл ретте, ҚҚС өзгеруіне байланысты бағаның қысқамерзімді өсуі қазірдің өзінде теңестірілді және ағымдағы қарқынға әсер етпейді», – дейді үкіметтегілер.
ҰЭМ болжамына сәйкес, инфляция 2027 жылдың басына қарай бір мәнді деңгейге көтерілуі мүмкін.