Мемлекет басшысы Бибісара Асаубаеваны құттықтады
ҚР Президенті Қасым-Жомарт Тоқаев Бибісара Асаубаеваны құттықтады, деп хабарлайды Ақорда.
Алматы, NEGE. «Бибісара Асаубаева толағай табысқа қол жеткізді. ФИДЕ қазақстандық дарынды қызды Азияның үздік шахматшысы деп таныды. Қазақстан шахматшыларына үнемі қолдау көрсетіп келе жатқан Президент Қасым-Жомарт Тоқаев бұл жаңалықты назардан тыс қалдырған жоқ. Ол Бибісараны құттықтап, жаңа жетістіктер тіледі», - делінген Ақорда таратқан хабарламада.
Еске салсақ, шахматтан 18 жастағы қазақстандық әлем чемпионы Бибісара Асаубаева Азияның үздік шахматшысы атанды. Бибісара блицтен әйелдер арасында ең жас Әлем чемпионы. Бибісара 2021 жылдың 30 желтоқсанында Польшаның Варшава қаласында блицтен әйелдер арасында өткен Әлем чемпионатында 17 жасында жеңіске жетті. Ол әйелдер арасындағы гроссмейстер (2019). Ерлер арасында халықаралық шебер (2020). Блиц бойынша әлем чемпионы (2021).
Қазір оқып жатыр
Францияда Temu және басқа маркетплейстердегі тауарларға қосымша салық енгізілді
Қазақстан экономикасы тек мұнайға тәуелді емес: шетелдік сарапшылар инвестиция көлемі мен өнеркәсіптің өскенін атап өтті
«7 айда жауап алуға екі-ақ рет шақырды»: Алматыда журналист Гүлнар Бажкенованың соты басталды
Терроризмге қарсы қорғанысты әлсіреткені үшін 263 басшы айыппұл арқалады
