Мемлекет басшысы Ашхабадқа барды
Қазақстан Президенті Қасым-Жомарт Кемелұлы Түрікменстан Президенті Гурбангулы Бердімұхамедовтың шақыруы бойынша мемлекеттік сапармен Ашхабадқа келді.
Алматы, NEGE. Бұл туралы ҚР Президентінің баспасөз хатшысы Берік Уәли өзінің Facebook-тегі парақшасында жазды.
«Сапар барысында екі ел делегациясының шағын және кеңейтілген құрамдағы келіссөздері өтеді. Тараптар қазақ-түрікмен стратегиялық серіктестігінің жағдайы мен даму перспективаларын, сондай-ақ күн тәртібіндегі өңірлік және халықаралық мәселелерді қарастырады», – деп жазды Презденттің баспасөз хатшысы.