Мемлекет басшысы Әнес Сарайдың жақын туыстарына көңіл айту жеделхатын жолдады

Алматы, NEGE. Бұл туралы Берік Уәли өзінің Facebook-тегі парақшасында жариялады. «Көрнекті жазушы, ақын, драматург, Қазақстанның еңбек сіңірген қайраткері, Мемлекеттік сыйлықтың иегері Әнес Төлендіұлы Сарайдың дүниеден өтуіне байланысты көңіл айтамын. Қарымды қаламгер республикалық газеттер мен баспада және Қазақстан Жазушылар одағында еңбек сіңірді. Ұзақ жылғы шығармашылық жолында тарихи, әдеби-зерттеу туындыларын тарту етті. Марқұмның жаны жәннатта, иманы саламат болсын», - делінген көңіл айту жеделхатында.