Мемлекет басшысы: Аманхан Әлім ақиқаттан айнымаған қайраткер қаламгер еді
Президент Қасым-Жомарт Тоқаев халықаралық «Алаш» әдеби сыйлығының иегері, ақын, сыншы Аманхан Әлімнің қазасына байланысты оның туған-туыстарына көңіл айту жеделхатын жолдады. Бұл туралы Мемлекет басшысының баспасөз хатшасы Берік Уәли хабарлады.
«Ақын, сыншы, әдебиетші, публицист Аманхан Әлімнің қайтыс болуына байланысты оның отбасы мен туған-туыстарына қайғыларына ортақтасып көңіл айтамын. Аманхан Әлімұлы қазақ әдебиетінің көрнекті өкілдерінің бірі еді. Сонымен қатар ол отандық журналистиканың дамуына да өлшеусіз үлес қосты. Қатардағы тілшіден бас редакторлыққа дейінгі жолдың бәрінен өтті. Ол ұлттың өсуіне, әдебиеттің дамуына кедергі болатын кері әрекеттердің барлығын сын садағына ілді. Аманхан Әлім қазақ руханиятының көкжиегін кеңейту үшін ақиқаттан айнымаған қайраткер қаламгер еді. Марқұмның жатқан жері жайлы, иманы саламат болсын!» – делінген жеделхатта.
Қазір оқып жатыр
Санкциядан қалған яхталар. Ресейлік табы бар түрік капиталы Қазақстанға қалай қиындық тудыруы мүмкін?
Астаналық оқушы Harvard University-ге оқуға түсті
Ресейде жаппай төбелестен кейін ұсталған қазақстандықтар ісі СІМ бақылауына алынды
Қарағандыда 12 жасар қыз бен оның анасының өліміне күдікті ер адамның денесі табылды
