Дүние
Мемлекет басшысы Бразилия Президентіне көңіл айту жеделхатын жолдады
Қасым-Жомарт Тоқаев Бразилияның Сан-Паулу штатында жолаушылар ұшағы апатқа ұшырап, салдарынан көптеген адамның қаза табуына байланысты Президент Луис Инасиу Лула да Силваға көңіл айтты.
Алматы, NEGE. Бұл туралы Ақорданың баспасөз қызметі мәлім етті.
– Осындай ауыр сәтте қайғы-қасіреттеріңізге ортақтасып, Қазақстан халқының және жеке өз атымнан Сізге және жақындарынан айырылған отбасыларға, сондай-ақ достас Бразилия халқына көңіл айтамын, – деп жазылған жеделхатта.
Еске сала кетейік, кеше Бразилияның Сан-Паулу қаласына жақын жерде Voepass компаниясының жолаушылар ұшағы апатқа ұшырағанын жазған болатынбыз. Компанияның хабарлауынша, ұшақта 61 адам болған. Жергілікті билік жолаушылар мен экипаж мүшелерінің ешқайсысы тірі қалмағанын жариялаған еді.