21 Қазан 18:47
...
Мемлекет басшысы биологиялық материал алмасу туралы келісімді ратификациялады
Бұл туралы Ақорданың баспасөз қызметі хабарлады.
Алматы, NEGE. «Мемлекет басшысы «Биологиялық материал алмасу туралы келісімді ратификациялау туралы» Қазақстан Республикасының Заңына қол қойды», делінген хабарламада.
Айта кетсек, бұл келісімге 2022 жылы 20 мамырда Минискіде қол қойылған. Бұл құжат биологиялық зерттеулер саласындағы халықаралық ынтымақтастықты нығайту жолында маңызды қадам болып табылады. Ол жаһандық биологиялық материал алмасу желісіне қосылу, еліміздің ұлттық зерттеу мекемелеріне бірегей үлгілерге қол жеткізуге және жетекші әлемдік зертханалармен бірлескен зерттеулер жүргізуге мүмкіндік береді.
