Мектептерде газетке жазылуға тыйым салды – Ертай Айғалиұлы
«Қазақ Медиа Ассоциациясы» ЗТжЖКБ ұйымдастыруымен және Ақпарат және қоғамдық даму министрлігінің қолдауымен «Қазақ» газетінің 110 жылдығына арналған «Қазақ» газеті және ұлттық баспасөз» атты дөңгелек үстел өтті.
Алматы, NEGE. Отырыста қазақ баспасөзінің жайы кеңінен талқыланды. Шарада сөз алған Qazaqstan dauiri газетінің бас редакторы Ертай Айғалиұлы:
«Қазақ баспасөзін сақтау жолын айттық. Бірақ қозғау жоқ. Қазір мектептерде де газеттерге жазылуға тыйым салынды. 20 мыңдай кітапхана бар. Соларға бір данадан жаздырайық деп едім, министрлік мән бермеді. Ақпараттық қауіпсіздік өте қиын жағдайда.
Телеарналар Ресейдің шоуларын көшіріп алып жатыр. 50х50 деген жоқ. Өз тілімізді өзіміз құрметтемесек, қазақ тілінің де, қазақ халқының да, қазақ баспасөзінің де жағдайы мүшкіл болады», – дейді.
