Мексикада атыстан 11 адам қаза тапты

Алматы, NEGE. Тағы бірнеше тұрғын жарақат алған. Полицияның айтуынша, шарапханада отырған қылмыстық топ мүшелері арасында атыс болған. Марқұмдардың 9-ы әйел адам. Куәгерлердің сөзінше, кешкі сағат 10-ның шамасында қарулы 15 адам қонақ үйдегі шарапханаға кіріп, жағалай оқ атқан. Селая қаласы Гуанахуато штатында орналасқан. Ресми мәлімет бойынша бұл аймақта жыл басынан бері 993 адам атыстан көз жұмған.