Мексикада аптап ыстықтан 90 адам қаза болды
Мексикада жыл басынан бері аптап ыстықтан 90 адам көз жұмған. Бұл туралы aa.com порталы жазды.
Алматы, NEGE. Мексикалық баспасөз беттері хабарлағандай, Веракрус, Табаско, Тамаулипас, Нуэво-Леон және Сан-Луис Потоси сияқты штаттарда өте жоғары температураның әсерінен қаза тапқандар саны артып жатыр.
Мексика Денсаулық сақтау министрлігінің мәліметі бойынша, тек 29 мамырдан 5 маусымға дейін 29 адам аптап ыстықтың салдарынан көз жұмған. Екі мыңға жуық адам ауруханаларға ыстыққа шағымданып жүгінген.
Ұлттық ауа райы қызметі (SMN) алдағы күндері елде өте жоғары температура толқыны жалғасатынын жеткізді. Сол себепті созылмалы аурулары бар адамдарға белгілі бір уақытта қажет болмаса далаға шықпауға кеңес берді.
Қазір оқып жатыр
Маусымдағы жағдай бойынша республикалық бюджет тапшылығы 1,7 трлн теңге болды
Ақтөбе облысында жүзден астам адам уланып қалғаннан кейін қылмыстық іс қозғалды
Перизат Қайраттан тәркіленген тағы бір Mercedes сатылымға шығарылды
Көкшетауда жүргізуші куәлігінсіз адам қағып кеткен әйелдің жазасы кейінге қалдырылды
