Мексика COVID-19 құрбандарының саны бойынша төртінші орынға шықты
Мексикада коронавирус инфекциясынан көз жұмғандар саны 35 мыңнан асты. Мексика өлім-жітім жағдайы бойынша Италиядан асып түсті.
Алматы, NEGE. Елдің денсаулық сақтау министрлігінің мәліметтеріне сәйкес, Мексикада COVID-19-дан болған өлім жағдайларының саны 35 006-ға жетті. Ал 299 750 адам коронавирус жұқтырған. Қазіргі уақытта 184 764 адам сауығып шықты. ДДСҰ-ның соңғы мәліметтері бойынша, әлемде 12,5 миллионнан астам коронавирус жағдайы тіркелді, 561 мыңнан астам адам қайтыс болды.
