21 Маусым 13:46
Меккеде аптап ыстықтан қаза тапқан қажылардың саны 1000-нан асты
Меккеде қажылық кезінде аптап ыстықтан қаза тапқан қажылардың саны 1000-нан асқан.
Алматы, NEGE. Қайтыс болғандардың жартысынан көбі тіркелмеген қажылар. Сауд Арабия дипломатының айтуынша, қаза тапқандардың 658-ге жуығы Мысырдан келген қажылар. Солардың ішінде 630-ы қажылық парызын өз бетінше өтеп жүргендер.
Дерекке сүйенсек, Үндістаннан келген қажылардың ішінде 90 адам қаза тапқан. Қайтыс болғандар арасында Иордания, Индонезия, Иран, Сенегал және Тунис азаматтары да бар.
Мыңдаған адам аптап ыстықтан зардап шегіп, ауруханаларда жатыр.
