Дүние
Медицина қызметкерлері суицид жасай бастады
Италияның Монза қаласында 34 жастағы медбике коронавирус жұқтырғанын білгеннен кейін өзіне қол салған.
Алматы, NEGE. Даниэла Трецци Италияның коронавирус ең көп тараған аймағы Ломбардиядағы Сан-Херардо ауруханасында интенсив терапия бөлімінде жұмыс істеген. 10 наурыздан бастап ол коронавирус инфекциясының белгілері болғандықтан, карантинге жатқызылған.
COVID-19 сынамасы оң нәтиже көрсеткеннен кейін медбике өз-өзіне қол салған.
Италия медбикелер ұлттық федерациясының мәліметі бойынша, Трецци басқа адамдарға коронавирус жұқтырудан қорқып, «қатты күйзелістен» зардап шеккен. Олар Даниэла өз-өзін өлтірген алғашқы медициналық қызметкер емес екенін айтады.
Осыдан бір апта бұрын Венецияда медбике дәл осындай жағдайда суицид жасаған.