«Медеу» мұз айдынында сырғанау маусымы ашылды
«Медеу» биік таулы мұз айдынында көптен күткен жаппай сырғанау маусымы ашылды. Маусымның ашылу салтанатында қазақстандық эстрада жұлдыздары өнер көрсетті.
Алматы, NEGE. Биыл мұз айдыны әдеттегіден ерте ашылып, келушілерге тосынсый жасады.
Алматы спорт нысандары дирекциясының өкілі Олжас Ершеев бұл іс-шараның демеушілердің қолдауымен аз бюджетпен өткенін атап өтті.
«Біз тұрақты келушілердің пікірін ескеріп, инфрақұрылымды жақсарттық және барша жанға ерекше мерекелік көңіл-күй сыйлауға тырыстық», — деді ол.