Мәжіліс Президент пен Құрылтай туралы заң жобаларын жұмысқа қабылдады
Мәжіліс депутаты Снежанна Имашева «Қазақстан Республикасының Құрылтайы және оның депутаттарының мәртебесі туралы» Конституциялық заң жобасын жұмысқа қабылданғанын мәлімдеді.
Астана, NEGE. Құжатта Құрылтайдың ұйымдастырылуы, қызмет ету тәртібі және оның депутаттарының құқықтық мәртебесі айқындалады.
Заң жобасын қарау үшін Парламент палаталарының бірлескен комиссиясы құрылды. Оның құрамына Мәжіліс депутаттары Қайрат Балабиев, Ермұрат Бапи, Марат Башимов және Сергей Пономарев кірді.
Ал «Қазақстан Республикасының Президенті туралы» заң жобасы бойынша комиссия құрамына депутаттар Жанарбек Әшімжанов, Серік Ерубаев, Павел Казанцев және Үнзила Шапақ мүше болды.