Мәжіліс Нахчыван келісіміне енгізілетін түзетулерді ратификациялады
Мәжіліс Түркітілдес мемлекеттердің ынтымақтастық кеңесін құру туралы Нахчыван келісіміне өзгерістер енгізу туралы хаттаманы ратификациялады.
Алматы, NEGE. Құжатқа Әзербайжан, Қазақстан, Қырғызстан, Түркия және Өзбекстан президенттері 2022 жылғы 11 қарашада Самарқанд қаласында қол қойды.
Хаттаманың мақсаты – консультативтік бірлестік ретіндегі Түркітілдес мемлекеттер ынтымақтастығы кеңесін Түркі мемлекеттерінің толыққанды ұйымына айналдыру. Осылайша құжат арқылы түркі мемлекеттері қол жеткізген ынтымақтастық пен интеграцияның жоғары деңгейі біріктіріледі.
Сондай-ақ хаттама арқылы ұйымның бірқатар құрылымдық институты мен онымен байланысты бірлестіктердің – Түркі мемлекеттерінің Парламенттік Ассамблеясының және Түркі мәдениетінің халықаралық ұйымының өкілеттіктеріне қатысты нормативтік-құқықтық актілерге түзетулер енгізіледі.
