Мәжіліс төрағасы референдум учаскесінде дауыс берді
ҚР Парламенті Мәжілісінің төрағасы Ерлан Қошанов елордадағы N110 референдум учаскесінде дауыс берді.
Алматы, NEGE. Палата спикері Ерлан Қошанов та елорда тұрғындарымен бірге Конституциялық реформаға байланысты өтіп жатқан республикалық референдумда өз таңдауын жасады. N110 референдум учаскесі комиссиясының төрағасы Замир Серіковтің айтуынша, мұнда 2818 адам дауыс беруші ретінде тіркелген.
«Біздің учаскеге таңғы сағат 7.00-де он шақты адам келіп дауыс беруді бастады. Қазіргі қарқынға қарағанда сағатына 50-100 адамнан келіп жатыр. Алғаш болып дауыс берген үш адамға сыйлық табыстадық. Жергілікті, халықаралық байқаушылар да таңғы сағат 7.00-ден бастап жұмыстарына кірісті», – деді З.Серіков.
