Мәжіліс депутаттары отандық контентті дамытуға бағытталған бірқатар жүйелі шараларды ұсынды
ҚР Парламенті Мәжілісінің депутаттары мемлекеттік тілдің мәртебесін нығайтуға және оның үлесін 50-ден 70 пайызға дейін кезең-кезеңімен ұлғайту арқылы отандық контентті дамытуға бағытталған бірқатар жүйелі шараларды ұсынды. Бұл туралы ОКҚ алаңында өткен баспасөз конференциясында ҚР Мәдениет және ақпарат министрі Аида Балаева мәлім етті. Оның айтуынша, сала өкілдерінің пікірін ескере отырып, министрлік кезең-кезеңімен көшуді ұсынады.
Алматы, NEGE. «Депутаттар ұсынған жаңашылдықтар шетелдік теле-радио бағдарламалардың ретрансляциясын 20%-дан 10%-ға дейін төмендетуге, сондай-ақ өңірлік және балаларға арналған БАҚ-ты қолдаудың бірқатар стандарттарына да қатысты болып отыр. Қазір депутаттар ұсынған түзетулер жұмыс тобының отырыстарында талқылануда», - деді министр.
Заң жобасын әзірлеу барысында сала өкілдерінен түскен барлық ұсыныстар ескеріліп, пысықталады. Министрлік заң жобасын бірлесе, ашық талқылауға әрдайым дайын.
