Мәжіліс депутаты Жанболат Мамайды дебатқа шақырды
Бұл туралы Елнұр Бейсенбаев блогер Нартай Аралбайұлына берген сұхбатында мәлімдеді.
Алматы, NEGE. Сұхбат барысында Нартай Аралбайұлы депутатқа Жанболат Мамаймен дебатқа шығу ұсынысын тастады.
«Дайынмын, шақыра аламын. Жанболат Мамай екеуміз екеуміз бірге дебатқа шығайық. Белгіленген тақырыпта мәселелерді көтерейік. Жалған сөз, жалған ақпарат емес, шынайы, жүйелі, ашық форматтағы жақсы дебат болатынына сенемін», – деді Мәжіліс депутаты Елнұр Бейсенбаев.
Мамайдың Nur Otan Төрағасының бірінші орынбасары Бауыржан Байбекке таққан айыптарына қатысты да пікір білдірді.
Бұған дейін Жанболат Мамайдың шулы видеоролигіне қатысты Бауыржан Байбектің өзі жауап қатып, қоғам белсендісін сотқа беретінін ресми мәлімдеген болатын.
«Жанболат Мамай Байыржан Байбекке тағы бір видео арнап оны дебатқа шақырыпты. Қандай дебат, адамға жала жаптың ба, енді соттың алдында жауап бер. Соттың трибунасын дебат ретінде пайдалан сол жерге бүкіл дәлелдеріңді жинап әкел де, айтқан сөзіңе жауап бер, айтылған сөз, атылған оқ», – деді депутат.
Оның пікірінше, саясаткерлер өздеріне қатысты айтылған сын-пікірге, айыптауларға қоғам алдында жауап қатуы тиіс. Сонда ғана саяси мәдениетті мемлекет құра аламыз дейді ол.
Сондай-ақ депутат Жанболат Мамаймен жеке таныс екенін және дөңгелек үстелдерде пікірлес болғанан айтты.