Майқайыңдағы автобус апаты: Қаза тапқан шахта құтқарушысының денесі жеті айдан кейін табылды
Павлодар облысындағы Майқайың кенішінде шұңқырға құлаған автобус ішінде болған жолаушылардың бірінің денесі табылды.
Алматы, NEGE. «Майқайыңалтын» АҚ бас директоры Қайролла Жүрсінбаевтың мәлімдеуінше, 19 шілдеде құтқарушылар взвод командирінің орынбасары Айдос Шаймерденовтің денесін тапты.
19 шілдеде «Майқайыңалтын» АҚ күшімен жер қазу жұмыстарын жүргізу кезінде 70 м тереңдікте бір құтқарушының денесі табылды, ол 4 қаңтарда "КӘАҚҚ РОШ" ЖШС-нің тағы үш құтқарушысымен бірге автобуста жұмыс істемейтін шахтаның тазарту кеңістігіне құлаған.
Авариялық-құтқару жұмыстарын жүргізу орнына Павлодар облысы ТЖД құтқарушылары келді, олар «КӘАҚҚ РОШ» ЖШС-мен бірлесіп денені жер бетіне көтеріп, жедел-тергеу тобына тапсырды. Қайтыс болған адамның туыстарына психологиялық көмек көрсету үшін ТЖД психологы да келді.
Естеріңізге сала кетейік, 2024 жылы 4 қаңтарда «Майқайыңалтын» АҚ аумағында автобус шахтаның кратеріне құлап кеткен болатын. Көлікте 3 құтқарушы және жүргізуші болған. Жедел іздестіру шаралары барысында екі адамның мәйіті табылған еді.
