Матчқа Бораттың костюмімен келген «Брюгге» жанкүйерлері ұсталды
«Астана Аренада» «Қайрат» мен «Брюгге» арасында өткен матч кезінде бельгиялық клубтың бірнеше жанкүйері арандатушылық әрекет жасады.
Астана, NEGE. Ер адамдар трибунаға Бораттың киіміне ұқсас костюм киіп шықты.
Астана қалалық полиция департаменті тәртіп бұзушылар ұсталғанын хабарлады.
Олардың үстінен ұсақ бұзақылық және қоғамдық орында мас күйде жүру фактілері бойынша әкімшілік іс қозғалды.
Іс материалдары сотқа жіберілді, ал қоғамдық тәртіпті бұзған жанкүйерлер уақытша ұстау изоляторына қамалды.
Айта кетейік, 20 қаңтарда алматылық «Қайрат» УЕФА Чемпиондар лигасының жалпы кезеңінде өз алаңында бельгиялық «Брюггені» қабылдап, қонақтарға есе жіберді. Есеп – 4:1. Ойындағы «Қайраттың» жалғыз голын Әділет Садыбеков салды.