Мәсімовпен бірге сотталған ҰҚК төрағасының бұрынғы орынбасары Өсіпов бостандыққа шықты
Қаңтар оқиғасы бойынша Мәсімовпен бірге сотталған ҰҚК төрағасының бұрынғы орынбасары Марат Өсіпов бостандыққа шықты.
Алматы, NEGE. Марат Өсіпов Кәрім Мәсімовтің үш орынбасарының бірі.
ҰҚК-нің бұрынғы төрағасы Кәрім Мәсімов пен оның үш орынбасары Дәулет Ерғожин, Әнуар Садықұлов және Марат Өсіпов 2022 жылдың қаңтарында мемлекеттік төңкеріс жасау әрекетін ұйымдастырды деген айыппен сотталған болатын.
Олардың ішінде тергеуге көмектескені үшін ең аз жазаны Марат Өсіпов алған. Жаза мерзімінің біраз бөлігін өтеген бұрынғы қауіпсіздік қызметкері қалған жазаны айыппұлмен алмастырып, бостандыққа шықты.