Мәскеудің мысын басуға НАТО-ның шамасы келе ме?
Украинадағы соғыстың тағдыр-талқысы қандай боларына ешкімнің көзі жетпейді.
Ресейдің адам ресурсы көп, әскери өнеркәсібін күшейтіп жатыр. Ал Украина қаншалықты жанқиярлықпен төтеп беріп жатқанымен, соғысқа салатын адам ресурсы аздау. Осы фактордың өзі Украинаға қиындық тудыратыны сөзсіз. Осы күні Ресей әскері Украинаның бекіністерінің кейбірін бұзып жатып өңмеңдеп барады деген ақпарат тарады. Мұны Батыс елдері де көріп отыр. Батыс елдері бүгінгі күнге дейін Украинаға әскери техника мен қару-жарақ, оқ-дәрі берумен шектеліп келеді. Енді Батыс елдерінің алдында Украинаны талауға беріп қоямыз ба, әлде өзіміз де сапқа тұрып, қолға қару аламыз ба деген күрделі мәселе туындап отыр. Ал Украина президенті Владимир Зеленскийдің бастамасымен алдағы маусым ортасында Швейцарияда Бейбітшілік саммиті өтеді.
Nege.kz ақпараттық-сараптамалық порталы Украинадағы соғыстың бүгінгі жай-жапсары жайлы жан-жақты тоқталған екен. Мұндағы әңгімеге соғыс саясаты арқау болған.
