Мәскеу соты Украинаның Қазақстандағы экс-елшісіне қатысты сот үкімінің күшін жойды
Мәскеу қалалық соты Украинаның Қазақстандағы бұрынғы елшісі Петр Врублевскийге қатысты сот үкімінің күшін жойды, деп хабарлады ТАСС.
Алматы, NEGE. Петр Врублевский ресейліктерге қатысты мәлімдемелерінен кейін өшпенділік пен араздық тудырғаны үшін сырттай сотталған болатын.
Іс Мәскеудің Басманный сотына жіберіледі. Оны жаңа сот құрамы қайта қарайды.
Қылмыстық істің қозғалуына Врублевскийдің сұхбат барысында Украинадағы соғысқа қатысты айтқан пікірі себеп. Ол «орыстарды қаншалықты көп өлтірсек, болашақта балаларымызға соғұрлым аз өлтіруге тура келеді», деген еді.