Дүние
Мәскеу соты терактіге қатысы бар деген күдікпен Қырғызстанның тумасын қамады
Мәскеудің Басман аудандық соты Crocus City Hall-да болған терактіге қатысты деген күдікпен Ресей төлқұжаты бар Қырғызстанның тумасы Алишер Хатамович Касимовты қамауға алды.
Алматы, NEGE. Оған Ресей Федерациясы Қылмыстық кодексінің «террорлық акт» бабы бойынша айып тағылды.Ол қылмыскерлерге теракт жасауға көмектесті деген күдікке ілінген.
Сотта ер адам лаңкестерді танымайтынын, тек "Авито" арқылы олардың біріне Шамсутдин Фаридуниге пәтерді жалға бергенін айтты.
Касимовқа қатысты 1 ай 27 тәулікке (2024 жылдың 22 мамырына дейін) қамауға алу түріндегі бұлтартпау шарасын таңдау туралы тергеушінің өтінішін сот қанағаттандырды.