«Мәсімов 150 млн теңге пара алған»
Павлодар облыстық ПД-ның бұрынғы бастығы, генерал-майор Нұрлан Мәсімовтің қанша пара алғаны белгілі болды. Бұл туралы журналист М.Козачков
телеграм-парақшасында жазды.
Алматы, NEGE. Бұған дейін Н.Мәсімовтің 60 млн теңге пара алғаны туралы сөз болған. Алайда әлеуметтік желідегі дерекке қарағанда, оның алған парасы 60 млн емес, 150 млн теңге екені белгілі болды.
Бұған дейін Н.Мәсімовтің Қордай бекеті арқылы Қазақстан шекарасынан шығып кетуге әрекет жасағаны хабарланған болатын. Әзірге Н.Мәсімовтің қайда екені белгісіз. Сот оны қамауға алуға санкция берді.