Машкевич бастаған алпауыттар ақшадан қағылып жүр ме?
Қазақстандық алпауыт олигархтардың жағдайы бұрынғыдай болмай қалды.
Алматы, NEGE. Кезінде аяқтарын алшаң басып байлықтан басы айналған миллиардерлер осы күні түрлі күрделі жағдайларға тап болып жатыр.
Қазақстанға тамыр жайған әлемдік ең ірі деген металлургиялық компанияның бірі AkcelorMittal шахтерлерге қауіпсіздік шараларын өз деңгейінде орындамағандықтан талай апатта адамдар қаза болды. Мұның салдары үлкен дау-дамайға апарып соқты. Қазақстанға компанияның ақшасынан бұрын адамдардың амандығы бірінші кезекте керек.
Нәтижесінде Қазақстан аумағындағы «AkcelorMittal Теміртау» компаниясы жергілікті Allur Group деген компанияның құзырына өткізілді. Яғни олигархтан алынып, мемлекет қамқорлығына өтті.