Марқұм Шерзат Полаттың отбасына жаңа үй салынып жатыр
Бұл туралы адвокат Мейірман Шекеев хабарлады.
Алматы, NEGE. Үй құрылысын демеуші қаржыландырған.
«Асқар есімді азамат Қаржаубайдың үйін салысып жатқанын жариялағысы келмеген. Міне, батыр. Десе де, халық өз батырын білуі керек. Ал Алматы облысы әкімдігі осы құрылысты барынша қадағалап, құжаттарын рәсімдеп, аяғына дейін жеткізіп беруге уәде берді», - деп жазды Шекеев.
Үйді қазан айының ортасына дейін аяқтап бітіруді жоспарлап отыр. Осыдан кейін отбасы жаңа баспанаға көшіп кіре алады.
Естеріңізге сала кетейік, Шерзат Полаттың өлімінен кейін 2024 жылдың 12 қазанында қара жамылған отбасының үйі өртеніп кеткен еді.
