Мариупольден тағы 344 бейбіт тұрғын эвакуацияланды
Мариуполь қаласынан тағы 344 бейбіт тұрғын эвакуацяланды.
Алматы, NEGE. Олар Украина күштерінің бақылауындағы Запорожье шаһарына жетті. Бұл туралы президент Владимир Зеленский мәлімдеді. Кеше шаһардан Запорожьеге 150-ден астам адам барған. Украина басшысының айтуынша, Ресей тарапымен бейбіт тұрғындарды қауіпсіз жерге көшіру туралы келіссөз жалғасуда. Ақпаратқа қарағанда Ресей күштері шараны жүзеге асыру үшін бүгіннен бастап 3 күн бойы шаһарда әскери қимылдарды тоқтататынын мәлімдеген. Бірақ Азовсталь зауытына бекінген Украина күштері өндіріс орнына шабуыл үдегенін айтады. Ал ресми мәліметке қарағанда қалада қазір 100 мыңнан аса бейбіт тұрғын бар.
