Марбург вирусы: Министрлік жарқанаттардан жұғатын жаңа індетке қатысты мәлімдеме жасады
Денсаулық сақтау министрлігі Дүниежүзілік денсаулық сақтау ұйымының жаңа қауіпті инфекция-Марбург вирусының өршуі туралы ескертуіне байланысты эпидемиологиялық жағдайды бақылауды күшейтуде, деп хабарлайды ҚР Бас мемлекеттік санитариялық дәрігері Сархат Бейсенова.
Алматы, NEGE. Марбург вирустық ауруы – адамдарға да, басқа да жануарларға әсер ететін сирек кездесетін, ауыр вирустық геморрагиялық қызба. Вирус табиғатта жарқанаттарда кездеседі және жарқанаттардан адамдарға берілуі мүмкін.
Марбург қызбасының табиғи ошақтары – Оңтүстік, Батыс және Орталық Африка елдері: Оңтүстік Африка (Оңтүстік Африка Республикасы), Габон, Судан, Конго Демократиялық Республикасы, Либерия, Гвинея, Зимбабве, Кения.
Аурудың клиникалық көріністері вирусты жұқтырғаннан кейін 2-21 күннен кейін пайда болады.
Денсаулық сақтау министрлігі профилактика шараларын сақтауды ұсынады.
Халықтың көп шоғырын ескере отырып, Қазақстан Денсаулық сақтау министрлігі қазақстандықтарға эндемиялық елдерге барған кезде мынадай профилактикалық шараларды сақтауды ұсынады:
1) жұқтырған адамдармен байланыста болудан аулақ болу;
2) Африка жунглиінде кездесетін жабайы жануарлардан сақ болу;
3) жергілікті жануарлардың нашар қуырылған етін жемеу;
4) мысырлық жарқанаттардың көп саны - вирустың асимптоматикалық тасымалдаушылары бар үңгірлер мен шахталарға бармау;
5) аурудың белгілері пайда болған кезде дереу медициналық көмекке жүгіну;
6) жеке гигиена ережелерін сақтау.
Вирус неге қауіпті?
Марбург вирусына қарсы арнайы ем мен вакцина жоқ. Тек симптоматикалық емдеу ғана жүргізіледі.
Вирус адамға тікелей байланыс арқылы беріледі. Ол зақымдалған тері немесе шырышты қабық арқылы да жұғады. Сонымен қатар, вирусты заттардың бетіне тигенде және төсек-орын немесе науқастың киімі сияқты материалдарды ұстаған кезде жұқтырады.
Аурудың негізгі белгілері: қызба, тамақ ауруы, бөртпе, іштің ауыруы, мұрын мен көздің қанауы.
Марбург вирусының таралу қаупіне байланысты шектеу шаралары қабылдана ма?
«Денсаулық сақтау министрлігі Марбург вирусының эпидемиологиялық жағдайының дамуын мұқият қадағалайды. Халықаралық әуежайларда аурудың республикаға әкелінуіне және таралуына жол бермеу мақсатында барлық келетін жолаушылардың байланыссыз термометриясы жүргізілетін мемлекеттік шекарада санитариялық-карантиндік бақылау жүзеге асырылады», - деп атап өтті С.Бейсенова.
