Маңғыстай облысында мектеп оқушысын алабай талап тастады
Маңғыстау облысы Ақшұқыр ауылында жасөспірімді ит талап кетті.
Алматы, NEGE.15 жастағы бала қазір ауруханада жатыр. Оқиға Ақшұқыр ауылында болған.
Желіде тараған мәлімет бойынша, бала сынып жетекшісіне ата-анам келіп тұр деп ерте шығып кеткен. Ол такси күтіп тұрғанда оған алабай шапқан. Ит оқушының екі қолын тістеп тастаған. Ол кезде баланың жанында ешкім болмаған. Ес-түссіз жатқан баланы жолдан өтіп бара жатқан көлік жүргізушісі тапқан.
Дәрігерлер оқушының жағдайын тұрақты деп бағалап отыр.
«Ит шынтақтан төмен жағынан тістеген. Бала ит шапқан кезде қолымен қорғанған. Сол үшін тек қол аймағын тістеп тастаған. Ал қалған жерi сау. Дәрі-дәрмек беріліп, антибактериялдық және құтырмаға қарсы вакцина салынды», – дейді Маңғыстау облыстық балалар ауруханасының дәрігері Нұрсұлтан Нұрымов.
Полиция қызметкерлері жедел түрде иттің иесін анықтаған. Иттің иесіне қатысты Қазақстан Республикасының Әкімшілік құқықбұзушылық туралы кодексінің 407-бабы «Жануарларды ұстау ережелерін бұзу» бойынша әкімшілік хаттама толтырылды.