Маңғыстауда жем-шөп тапшылығы болмайды
Маңғыстау облысының климаттық ерекшелігіне байланысты, тіпті қолайлы ауа райы жағдайында да өңірде қажетті мал азығының көлемі 10% ғана дайындалады.
Қалған 90%-ы басқа өңірлерден тасымалданып, жеткізіледі, деп хабарлайды inbusiness.kz.
Маңғыстау, NEGE. 2021-2022 жылдары өңірде болған қуаңшылыққа орай, мал азығы бағасын тұрақтандыру үшін бюджеттен 2,1 млрд теңге бөлініп, жем-шөп халыққа қолжетімді төмен бағада сатылған еді.
Нәтижесінде, аймаққа 14,1 мың тонна шөп, 8,2 мың тонна жем әкелінді.
Ал биыл қысқы мезгілде мал азығымен толық қамтамасыз ету үшін төрт түліктің санына қарай 78 000 тонна шөп және 23 800 тонна жем қажет. Күні бүгінге 75,2 мың тонна шөп жиналды. Оның 12 мың тонна шөбі облыста шабылса, қалған 63 мың тоннасы өзге облыстардан тасымалданды.
Сонымен қатар 23,5 мың тонна жем әкелінді.