16 Маусым 08:40

Маңғыстауда күмәнді қаржы пирамидаларының тізімі жарияланды

36 мыңға жуық маңғыстаулық әлеуметтік желіде заңсыз қаржы пирамидаларына тіркелген. Өңірде қаржы пирамидасын ұйымдастыру дерегі бойынша 6 қылмыстық іс қозғалған, деп хабарлайды ҚазАқпарат.

Алматы, NEGE. Қылмыстық істің екеуі соттың қарауында, біреуіне сотқа дейінгі тергеу жүріп жатыр.

Ал 3 қаржы пирамидасына қатысты іс өзге өңірлердегі құзырлы органдарға тапсырылған.

Мамандар алаяқтарды Telegram-бот арқылы тексеруге болатынын айтады.

«CHAYTAITING қаржы пирамидасы сотқа дейінгі тергеу сатысында, сондай-ақ экономикалық тергеу бөлімінің өндірісінде қаралып жатыр. 14 адам жәбірленуші деп танылды, жалпы шығын көлемі - 11,5 млн теңге», - дейді Маңғыстау облыстық экономикалық тергеп-тексеру департментінің аса маңызды істер бойынша тергеушісі Алексей Клеменко.

Тергеушілер тұрғындардан Маңғыстау облысы бойынша анықталған мына қаржы пирамидаларынан сақ болуды сұрайды:

JANUYA

AMANAT DRIVE

BEST WAY

ЕЛІМ АЙ 2019

ВЫГОДНЫЙ ЗАЙМ

GAP

SINCERE SYSTEMS GROUP

L CAPITAL

WORLD BUSINESS CONSULTING

INCRUISES

EVOLUTION CORPORATION