Маңғыстауда төбелес шығарған түлектер мен олардың ата-аналары бейнеүндеу жариялады
Маңғыстау облысы Бейнеу ауданының түлектері 25 мамырдағы жаппай төбелестен кейін көпшілікке бейнеүндеу жолдады.
Алматы, NEGE. Ата-аналар балаларының бұл қылығы үшін қазақстандықтардан кешірім сұрады. Сондай-ақ төбелестен ешкімнің жарақат алмағанын жеткізді. Сөздерінше, мұғалімдер, мектеп директоры мен полиция қызметкерлері түсіндірме жұмысын жүргізген. Ешкімге шағымдары жоқ.
Түлектердің өздері де көпшіліктен кешірім сұрады. Олар төбелеске арадағы "жанжалдың" себеп болғанын айтады.
Еске салайық, Маңғыстау облысы Бейнеу ауданының Боранқұл ауылында жаппай төбелес болған еді. Желіде тараған видеода төбелеске ондаған оқушы қатысқаны байқалады. Олардың кейбіреуі тіпті бір-біріне тас лақтырған.