Маңғыстауда ер адам полицияның көзінше өзін өртемек болды
Маңғыстауда жол ережесін бұзған ер адам полицияға қарсылық білдіру үшін өзін өртемек болды.
Астана, NEGE. Жергілікті Lada.kz басылымының хабарлауынша, оқиға Бейнеу ауылындағы полиция бөліміне қарасты бақылау-өткізу пунктінің алдында болған.
Патрульдік қызмет кезінде тәртіп сақшылары жол ережесін бұзған көлікті тоқтатады. Ер адам әкімшілік жауапкершілікке тартылған. Кейінірек ол полиция бөліміне қарасты пунктке келіп, қызметкерлердің әрекеттеріне наразылық білдірген. Ол бөлімше алдында өзін өртемек болды.
Құқық қорғаушылар оның әрекетін дер кезінде тоқтатты. Ер адам медициналық мекемеге жеткізілді.
Оқиға бойынша қылмыстық іс қозғалды. Алдын-ала тергеу жұмыстары жүргізіліп жатыр.
