Маңғыстауда ауыл шаруашылығы өнімінің көлемі 38 млрд теңгеге жетті

Жергілікті өнімдердің қолжетімділігін арттыру мақсатында сыйымдылығы 4 мың тонна болатын заманауи көкөніс сақтайтын қойма салынуда. Әкімнің айтуынша, өңірдің табиғи ерекшеліктеріне сай Маңғыстауда түйе шаруашылығы, балық кәсібі және туризм бағыттары қарқынды дамып келеді.

Бүгінде Маңғыстау облысында 95 мыңға жуық түйе тіркелген. Түйе сүтін терең өңдеп, экспортқа шығару бағытында үш ірі жоба жүзеге асырылып жатыр. Ал биыл түйе сүтін автоматтандырылған әдіспен сауатын цех іске қосылды.

Жалпы өңірде агроөнеркәсіптік кешенді дамыту аясында 2025-2027 жылдары 23,6 млрд теңгеге 15 инвестициялық жоба іске асырылады. Бұл ішкі нарықты табиғи әрі жергілікті өнімдермен қамтамасыз етуге жол ашады. Сонымен қатар, ветеринариялық жүйені жаңғырту аясында 43 ветеринариялық пункт пен 1 станция пайдалануға берілмек.